Bilboko TAO zerbitzua berriro ere martxan izango da astelehenetik aurrera

Irailaren 3tik aurrera Bilboko TAO zerbitzuaren neguko ordutegia hasiko da, abuztuko etenaren ostean. Aurten lehen aldiz, TAO zerbitzurik ez da izan Bilbon abuztuan eta, ondorioz, doan aparkatu ahalko da TAO zerbitzua duten gune guztietan.

Bilboko Udalak ohar bidez jakinarazi duenez, TAO guneetan aparkatzeko ordaindu egin beharko da astelehenetik ostiralera 09:00etatik 13:30era eta 15:00etatik 20:00etara. Halaber, larunbatetan 1., 2., 3., 4. eta 10. guneetan aparkatzeko ere ordaindu egin beharko da 09:00etatik 13:30era.