Herriak eta Hiriak
Bizkaia
66 urteko gizon bat hil da Zornotzan, tren batek harrapatuta
eitb.eus
Zornotza eta Bermeo arteko tren zerbitzua etenda egon da tarte batez. Ertzaintzak ikerketa abiatu du gertatutakoa argitzeko.
Hirurogeita sei urteko gizon bat hil da Zornotzan (Bizkaia), Larrea auzoko trenbide-pasagunean, EuskoTreneko unitate batek harrapatuta.
Istripua 12:00ak jotzeko minutu batzuk falta zirenean gertatu da, Aita Roman Urtiaga kaletik gertu, Segurtasun Sailak eitb.eus-i jakinarazi dionez.
Bertaratutako osasun langileen gizonaren heriotza baieztatu besterik ezin izan dute egin. Ertzaintzak ikerketa zabaldu du.
Zornotza. Aita Roman Urtiaga kalean, trenbide-pasagunean
— SOS Deiak - 112 (@112_SOSDeiak) 5 de noviembre de 2018
Pertsona baten harrapaketa, Larrialdi-zerbitzukoak lekuan
__
Amorebieta . calle Aita Roman Urtiaga, en el paso del tren
Arrollamiento de 1 persona , servicios de emergencia en el lugar #eusnet pic.twitter.com/7icdj3LLTc
Istripuaren ondorioz, Zornotza eta Bermeo arteko tren zerbitzua eten dute bi noranzkoetan, eta 13:00etan berrezarri dute zirkulazioa.
Trena: Amorebieta-Bermeo tartean trenen zerbitzua berrezarri da. Barkatu eragindako eragozpenak
— Euskotren (@euskotrenEJGV) 5 de noviembre de 2018
