12:29

Herriak eta Hiriak

NAFARROA

Iruñeak orduko 30 kilometroko muga jarriko du bide gehiagotan istripuak murrizteko

AGENTZIAK | ERREDAKZIOA

Ordenantza berria dela-eta bizikletek, Mugikortasun Pertsonaleko Ibilgailuek eta bi gurpil baino gehiagoko zikloek ezingo dute espaloitik ibili.

  • Iruñeako bide berriak

    Iruñeako bide berriak. Irudia: @PamplonaIruna

  • Whatsapp
  • Whatsapp
  • telegram
  • Bidali

Iruñeak gehienez ere 30 kilometro orduan zirkulatzeko 150 bide gehiago izango ditu istripu kopurua eta horien larritasuna murrizteko.

Udalak ostegunean ezarritako Mugikortasuneko Ordenantza berriaren ondorioz jarri du martxan ekimena. Hori dela eta, errepide sarea arautegi berrira moldatzen ari dira, Fermin Alonso Proiektu Estrategikoetako, Mugikortasuneko eta Jasangarritasuneko zinegotziak eta Javier Labairu Herritarren Segurtasuneko zinegotziak azaldu dutenez.

Ordenantza berria dela eta, bizikletek, Mugikortasun Pertsonaleko Ibilgailuek (MPI) eta bi gurpil baino gehiagoko zikloek ezingo dute espaloitik ibili.

Udala lanean ari da bideetako seinaleztapen horizontalak eta bertikalak arau berrira egokitzeko. Horretarako, kale guztiak aztertu dira azken asteetan horien hierarkizazioa egin eta antolatzeko eta bakoitzari dagokion zirkulazio-abiadura zehazteko.

Bestalde, Udalak oinezkoen pasabide guztiak ikuskatu ditu horien ikusgaitasuna handitu eta, horrela, segurtasuna hobetzeko.

Bide bakoitzaren banakako ebaluazioak ere egingo dituzte arazoak aurkitzeko eta konponbideak aztertzeko beharrezkoak diren kaleetan.

Udalak informazio kanpaina bat jarri du martxan herritarrak ohartarazteko. Hori dela eta, Udaltzaingoak ez du isunik jarriko hurrengo bi hilabeteetan.

Oinezkoek lehentasuna izango dute bizitegi- kaleetan, parkeetan eta pasealekuetan.

Iruzkinak

  • Publizitatea
    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena