Amarauna
Zinema
"Sutan", Naia Arantzamendiren lehen film laburra: "Gehiago kontatu nahi dut irudi bidez, hitzez baino"
Unai Urreaga | EITb Media
Lehendabiziko aldia du kamera atzean zuzentzen ondarroarrak. Zinea.eus agerkari digitalak antolatutako gidoi lehiaketa irabazi zuen 2020an eta hura filmatzen ari dira egunotan.
-
"Sutan" film laburraren kartela
17:58 min
"Gerretan umeek jasaten duten bortizkeriaren testigantza" izan nahi du Sutan-ek. 1813.-urtean Donostiak jasandako setioa hartu du oinarri Naia Arantzamendik.
Juana, 10 urteko neskatoa da protagonista. Logela bateko armairua bilakatu du gordeleku, eta bere bila dabiltza bi soldadu. Ikusleek Juanarekin batera sentitzea nahi du Arantzamendik. Horretarako lan bisuala eta iradokitzailea izatea bilatu du, elkarrizketa gutxirekin.
Juanaren papera Naroa Miguelek egiten du. Eta soldaduena, berriz, Joseba Usabiagak eta Iker Galartzak. Zuzendariarekin eta hiru aktoreekin hitz egin dugu.
Zuzendariak ez zuen imajinatzen lehendabiziko esperientzia halakoa izango zenik. "Kriston ekipo teknikoa daukat eta oso pozik nago, ia emaitzak ere nire sentsazioekin bat egiten duen". Maluta Films ekoiztetxearen babesa du atzetik.
