Faktoria
Irungo Harrera Sarea
Patxuko Nice taldearen 'Harrera' abesti solidarioa
Irungo Harrera Sarearen alde grabatu du abesti-bideoklip solidarioa Patxuko Nicek. Bildutako diruaren etekina migratzaileei laguntzen dieten boluntarioentzat izango da.
-
Irungo Harrera Sarea
6:18 min
Irungo Lakaxita gaztetxean egin dute aurkezpena, izan ere, iazko uztailean Irungo Harrera Sarea sortu zen bertan. Proiektuaren sortzailea Sergio 'Patxuko' Ordoñez abeslaria da baina elkarlanean burututako lana da: abestiaren letra Oier Guillanena da eta musika, antzerkia, zinema eta elkartasun arloetan lan egiten duten pertsonek abiatutako proiektuaren barruan kokatzen da abestia. Koldo Rodriguez Akarregi musika produktoreak proiektuaren xehetasunak eman dizkigu 'Faktoria'n. Helbide honetan egin dezakezue zuen ekarpena: 'HARRERA', Patxuko Nice.¿
'Harrera' abestiari lotuta, ekainaren 1ean egun osoko jaialdi solidarioa egingo dute Lakaxitan. Hurrengo asteetan emango dituzte jaialdiari buruzko xehetasunak baina aurreratu dutenez, kultur adierazpen asko uztartuko ditu jardunaldiak: musika, artea, zirkua, dantza... Musika izango da protagonista nagusia. Hamabost musika emanaldi inguru hitzartu dituztela aurreratu dute; bakarlariak, taldeak eta DJ-ak.
