Mezularia
BTX Lagunartean jaialdia
20.000 sarrera saldu dituzte Kobetamendiko Berri Txarraken emanaldirako
Jaialdi berezi horretaz galdegin diogu Gotzon Barandiaran Ahotseneako koordinatzaileari. Barandiaranek dio "kalitate" eta "aniztasun handiko" kultur proposamenez gozatzeko modua izango dutela zaleek.
-
20.000 lagun baino gehiago elkartuko da antolatzaileen arabera
10:27 min
"Ezohiko kontzertua izango da, eta askorentzat, euskal kulturari lotutako emanaldirik gogoangarriena izango da". Gotzon Barandiaran sortzailea Kobetamendiko jaialdi bereziaren antolaketan murgilduta dabil, eta horrela definitu du Berri Txarrakek hilaren 14an emango duen kontzertua. Kobetamendiko ateak arratsaldeko 16:00tan irekiko dituzte, eta egitarau "bete-betea" osatu dute. "Ez dira emanaldi betegarriak izango, osagarriak baizik. Berri Txarrakek ez du inoiz halako kontzerturik eman eta euskal adierazpide bat baino gehiago ikusteko eta gozatzeko aukera izango dugu", gaineratu du Barandiaranek.
