Laburpena:

Nafarroako langile-herri bateko parroko izendatu dute Migel, 1936ko matxinadaren egunetan. Gerraren bidegabekerien eta ankerkerien lekuko da eta kaltetuen alde jokatzea erabaki du, bere burua ere arriskuan jarrita. Migelek herriko maistrarekin ematen du denbora gehiena. Haren senarra, errepublikanoa, desagertu egin da; gatazka hasi denetik inork ez daki non dagoen. Egunorokoan partekatzen dituzte beren beldurrak eta tristurak parrokoak eta Margaritak, eta apurka-apurka maitasunezko harremana bihurtuko den adiskidetasun sakona sendotu da elkarren artean.