Prentsa aretoa
Audientzia
Bi milioi eta erdi ikus-entzulek baino gehiagok bat egin zuten "Teleberri" albistegiarekin 2024an
EITB Media
Pandemiaz geroztik izan duen urterik onena izan da; batez beste, 171.000 ikus-entzule ditu, egunero, ETB2ko albistegiak.
ETB2ko "Teleberri" albistegiak hazten jarraitzen du etengabe, eta bukatu berri dugun 2024a urterik onena izan da 2021etik, pandemiatik irten ostetik; hala, informazioan lidergoari eusten dio, eta erreferentziazko tartea dugu Euskadin.
2024an zehar, ia 2,6 milioi pertsonarekin bat egin zuten "Teleberri" albistegiek, eta 2022tik izandako daturik onena lortu da; egunero, 171.000 ikus-entzuleko batez besteko zifrari eutsi diote azken hiru urteotan.
Gainera, "Teleberri" 1 eta 2 tarteen audientzia kuota hazi egin da nabarmen: % 20,4ko batez bestekora iritsi ziren joan den urtean (2022tik 2,5 puntuko igoera da).
Beraz, telebistaren kontsumoak behera egin duen testuinguru orokor honetan, ETB2ko albistegiek merkatu-kuota handiagoa lortu dute, ikus-entzule kopuruari eutsi eta, hartara, beren garrantzia, adierazgarritasuna eta lidergoa indartzea ere.
Beste behin ere, ikus-entzuleek EITBko albistegien hurbiltasun, egiazkotasun eta zorroztasunari eman diote balioa, eta are gehiago indartu da EITBk herritarrekin eta gizartearen interes zein kezkekin duen konpromiso sendoa.
EITB: Garena, batzen gaituena
