albistea
Igandean
Lau t'erdiko finala, zuzenean, ETB-1en eta eitb.com-en
A.A.
EITB
Goizean, Caja Laboral-Bilbao Basket derbia izango da ikusgai.
Igandeko kirol hitzordu nagusia, Lau t'erdiko txapelketaren finala, zuzenean jarraitu ahal izango da ETB-1en eta eitb.com-en. Gasteizko Ogeta pilotalekuan jokatuko den Olaizola II-Bengoetxea VI partidaren zuzeneko kontakizuna egingo dute Xabier Euzkitzek eta Joxan Tolosak. Elena Azpeitiak eta Koldo Aldalurrek giroaren berri emango dute eta protagonistak elkarrizketatuko dituzte. Arratsaldeko bostetan hasiko da emankizuna, atariko partidarekin: Titin III-Laskurain / Olaizola I-Beroiz.
Eguerdian, ohi denez, Endesa Ligako emankizunari egingo diote tartea. Caja Laboral-Bilbao Basket derbia izango da ikusgai, ETB-1en eta eitb.com-en, Asier Aranguren, Josean Aldalur eta Juan de la Vegaren komentarioekin.
16:00etan, herri kirolen leihoa zabalduko dute. Goizean Etxalarren jokatutako aizkolarien Eusko Label Sariko laugarren jardunaldiaren berri emango dute Koldo Aldalurrek eta Joxe Etxebebestek.
ETBKn, Venta de Bañoseko Krosa izango da ikusgai, 13:30etik aurrera, Juanan Legorbururen eta Xabier Leibarren eskutik.
Amaitzeko, ETB-1en 20:40ean ikusgai izango den 'Gol Festa' saioan futbol jardunaldiaren errepasoa egingo du Mikel Olazabalek ETBko kirol kazetarien laguntzaz.
