telebista
Igande honetan
Korta eta Juanito, berriz ere, 'El Conquistador' saioan
28 lehiakide izango dira aurten lau taldeetan banatuta. Horietako bat 'Conquistour' saioko irabazlea izango da, Ibai Berasategi mungiarra.
Albisteak (1)
Informazio gehiago (1)
Igande honetan, urtarrilaren 6an, 'El Conquistador del Fin Mundo' Julian Iantzik aurkeztutako saioa hasiko da ETB-2n. 'Teleberri' albistegiaren ondoren emango da, 22:15ean, baina ohi denez, eitb.com-en ere zuzenean ikusi ahal izango da.
Bederatzigarren edizioa izango du El Conquistadorrek. Aspaldiko bi ezagun elkartuz jarriko da abian: Jose Luis Korta eta Juanito Oiartzabal. Iazko irteera gorabeheratsuaren ondoren Korta berriro izango dugu Patagonian. Oiarzabal mendizaleak, berriz, iaz ez zuen parte hartu baina bueltan izango da edizio honetan.
Igandean, gainera, Korta eta Juanitorekin batera egongo diren beste bi kapitainak nortzuk diren jakingo dugu. Lau kapitain eta lau taldetan banatutako 28 lehiakiderekin hasiko da saioa.
Zortzigarren denboraldiko 20 ataletan, bataz besteko, %24,6ko audientzia izan zuen saioak. David Seco gailendu zen, Lobo, Yeray eta Ibonen aurka Iguazuko ur jauzian jokatutako final ikusgarrian. 'El Conquistador'ren finala gainera azken urteetan Euskadiko saiorik ikusiena izan zen.
Bestalde, astelehenean, igandeko programaren xehetasun guztiak aztertuko dituzte saio berezian. Ikusi gabeko irudiak; atal aurrerapena; adierazpenak esklusiban, eta kanporatuak izango dituzte 'El Conquis 2013'n. Asteko debatea Patxi Alonsok aurkeztuko du eta 22:30ean izango da ikusgai ETB-2n. Debateko solaskide izan nahi duen guztiak aukera izango du horretarako, eitb.com-eko web gunearen bidez, bideoa bidaliz.
Castingean 1.400 lagunek parte hartu dute
'El Conquistador'en bederatzigarren ekinaldian lehiakide izateko 1.400 lagunetik gora parte hartu dute castingean. Bilbo, Donostia, Gasteiz eta Iruñean egin ziren uztailean castingak. Horietatik 27 lehiakide atera dira eta horiekin batera Ibai Berasategi mungiarra, udan emandako 'El Conquistour' saioko irabazlea.
'El Conquistador' eitb.com-en
eitb.com-en webgune propioa du saioak. Bertan, esan bezala, Conquistador saioa zuzenean saioa ikusi ahal izateaz gainera, saioaren eta parte hartzaileen inguruko informazioa guztia topatu ahal izango da, bideo nabarmenenaz gainera.
