telebista
Kirol emanaldiak
Caja Laboral-CSKA Mosku, zuzenean, ETB-1en eta eitb.com-en
A.H.
EITB
Horrez gain, Gasteizen jokatuko den pilota jaialdia eskainiko da zuzenean.
-
Caja Laboral. Iturria: EFE
Caja Laboral eta CSKA Mosku taldeen arteko norgehiagoka eskainiko du gaur Euskal Telebistak zuzenean. Asteazkeneko garaipenaren ondoren, Euroligako final laurdeneko seriea luzatzea lortu du talde gasteiztarrak eta errusiarren aurkako laugarren partida jokatuko du Buesa Arena pabilioian. Xabier de la Fuentek, Josean Aldalurrek eta Jokin Etxebarriak egingo dute emanaldiaren gaineko kontakizuna 20:30etik aurrera ETB-1en. eitb.com-eko erabiltzaileek ere norgehiagoka zuzenean jarraitzeko aukera izango dute streaming-aren bitartez.
Gasteizetik, pilota zuzenean
Ondoren, Gasteizeko Ogueta pilotalekuarekin bat egingo du Euskal Telebistak zuzenean, eta bertan jokatuko diren pilota partida eskainiko ditu. Hasteko, Titin III- Merino eta Jaunarena-Peñagarikano bikoteek 5 t'erdian jokatuko dute atariko partida. Ondoren, Zubietak eta Merino II.ak lehenengo mailako buruz buruko txapelketako kanporaketa jokatuko dute. Xabier Euzkitze, Joxan Tolosa eta Koldo Aldalur berriemaileak egingo dute kontakizuna 22:15etik aurrera ETB-1en eta eitb.com-en.
