telebista
Ostegun honetan
Endesa Ligako playoffak hasiko dira ETB eta eitb.com-en
A.H.
EITB
Euskal Telebistak zuzenean eskainiko ditu Bartzelona Regal-Uxue Bilbao Baskek eta Laboral Kutxa-Herbalife Gran Canaria partidak.
Endesa Ligako playofak hasiko dira gaur. Euskal Telebistak gertutik jarraituko du sailkapena eta talde euskaldunek final laurdenetan jokatuko dituzten lehen bi partidak eskainiko ditu.
ETB1ek Bartzelona Regal eta Uxue Bilbao Basket taldeen arteko norgehiagoka eskainiko du zuzenean. Asier Arangurenek eta Josean Aldalurrek egingo dute emanaldiaren gaineko kontakizuna 20:40etik aurrera.
Aldi berean, ETBK kateak Bilbao Basket eta Herbalife Gran Canaria taldeen arteko partida eskainiko du. Arratsaldeko 20:00etatik aurrera, Gasteizeko Buesa Arena pabiloian gertatuko denaren berri emango dute zuzenean Xabier de la Fuentek, Aitor Uriondok eta Jokin Etxebarriak.
Interneteko erabiltzaileek saskibaloi partida biak jarraitzeko aukera izango dute streamingaren bitartez.
Italiako Giroaren 18. etapa
Egunero bezala, Euskal Telebistak Italiako giroarekin bat egingo du 14:55etik aurrera. Ostegunean, 18. etapari aurre egin beharko diote txirrindulariek: Mori eta Palsa herri italiarren arteko 19,4 kilometroko erlojupekoa. Fermin Aramendik eta Xabier Usabiagak emango dute etaparen berri zuzenean ETB1en eta eitb.com-en.
