telebista
Kirol emanaldiak
Urrestillako pilota jaialdia zuzenean, ETB1en eta eitb.com-en
A.H.
EITB
Jaunarena-Barriola eta Ezkudia-Zabaleta bikoteek jokatuko dute eguneko partida nagusia.
Gaur gauean, Euskal Telebistak Urrestillako pilota jaialdiarekin egingo du bat zuzenean, gaueko 22:00etatik aurrera. Aritz Lasa-Peñagarikano eta Gorka-Pascual bikoteek jokatuko dute atariko neurketa eta ondoren, Jaunarena-Barriola eta Ezkurdia-Zabaleta izango dira nor baino nor gehiago partida nagusian. Xabier Euzkitzek, Joxan Tolosak eta Koldo Aldalurrek egingo dute jaialdiaren gaineko kontakizuna.
Suitzako itzuliaren zazpigarren etapa
Horrez gain, ETB1ek zuzenean eskainiko du Suitzako Itzuliaren zazpigarren etapa arratsaldeko 17:20ean hasita. Fermin Aramendik eta Xabier Usabiagak Meilen eta La Punt-en arteko 206 kilometroko etaparen berri emango dute.
Bi emanaldiak zuzenean jarraitu ahal izango dira eitb.com-en ere.
