telebista
ETB1en eta eitb.com-en
Nafarroako 4 1/2ko txapelketa, Eibartik zuzenean
A.H.
EITB
Abel Barriolak eta Julen Retegik jokatuko dute partida San Joan egunez Eibarren.
Gaur Eibarren jokatuko den pilota jaialdia eskainiko du ETB1ek zuzenean. Abel Barriolak eta Julen Retegik Nafarroako 4 1/2ko txapelketako partida jokatuko dute, eta aurretik, Aritz Lasa-Rezusta eta Jaka-Peñagarikano bikoteak arituko dira nor baino nor gehiago. Jardunaldiko hirugarren neurketak Apezetxea-Larrinaga eta Gorka-Merino bikoteak jarriko ditu aurrez aurre, eta ETBK kateak ere eskainiko du.
Euskal Telebistak arratsaldeko 17:00etatik aurrera egingo du bat Eibarko Astelena pilotalekuarekin. Iñigo Aiestaran, Joxan Tolosa eta Koldo Aldalurrek egingo dute kontakizuna zuzenean. Interneteko erabiltzaileek emanaldia zuzenean jarraitzeko aukera izango dute streamingaren bitartez.
