telebista
Kirola ETBn
Alberieteko pilota jaialdia, gaur, ETBn eta eitb.eus-en
A.A.
EiTB
Kirol eskaintzaren barruan, Munduko Sokatira Txapelketaren laburpena eta erremonte partida bat ere badaude.
Alberieteko pilota jaialdia eskainiko dute gaur zuzenean ETB1ek eta eitb.eus-ek. Atariko partidan, Gorka-Cecilio eta Mendizabal III-Merino III bikoteak izango dira nor baino nor gehiago. Neurketa nagusian, berriz, Titin III-Merino II / Altuna III-Barriola. Xabier Euzkitze estariak Oskar Lasa pilotari ohia izango du lagun, eta Elena Azpeitiak egingo ditu elkarrizketak.
Pilotaren aurretik, herri kirolen tartean, Estatu Batuetako Madison hirian jokatutako lur gaineko Munduko Sokatira Txapelketaren laburpena egingo du Juanan Legorburuk.
Amaitzeko, 19:30ean, ETBKn, bezperan Hernanin jokatutako Zeberio II-Ion / Uterga-Endika erremonte partida izango da ikusgai, Iñigo Aiestaranen eta Jabier Arkarazoren kontakizunarekin.
