telebista
Elkarrizketak
Donostiako Zinemaldiaz, gaurko 'Egun On Euskadi'n eta 'ETB Hoy'n
A.H.
EITB
Jose Luis Rebordinos Zinemaldiko zuzendaria ETB2n izango da gonbidatu, eta Maialen Beloki jaialdiko zuzendaritza batzordeko kidea ETB1en.
Donostiako Zinemaldia hizpide hartuko dute gaurko 'Egun On Euskadi' eta 'ETB Hoy' albistegiek. Estepan Aldamiz-Etxebarriak Maialen Beloki Zinemaldiko zuzendaritza batzordeko kidea elkarrizketatuko du ETB1en, eta, ondoren, egun-eguneko gaien inguruko solasaldia gidatuko du Luismi Uharte, Roberto Uriarte eta Felix Iriarte kolaboratzaileekin.
Olaia Urtiagak, bere aldetik, Jose Luis Rebordinos Zinemaldiko zuzendaria elkarrizketatuko du ETB2ko 'ETB Hoy' saioan, 12:40an.
Hitzorduaren ondoren, Silvia Intxaurrondok gidatzen duen hausnarketa eta solasaldirako tarteak eguneko albiste garrantzitsuenak aztertuko ditu.
