telebista
22:15ean
'El escondite' thriller psikologikoa, gaur gauean, ETB2n
L.A.
EITB
Robert de Niro du protagonista nagusi, eta, naturaz gaindiko kutsuaz gain, beldurrez eta intrigaz betetako filma da.
ETB2k El escondite (Hide and Seek) thriller psikologikoa eskainiko du gaur gauean. Robert De Niro eta Dakota Fanning protagonista dituen film hau John Polsonek zuzendu zuen, 2005ean.
Amak bere buruaz beste egin ondoren traumatizatuta dagoen neskato baten (Dakota Fanning) historia kontatzen du filmak. Alabari kolpe latz hori gainditzen laguntzeko, eta biek batera bizitza berri bat hasteko, aitak (Robert de Niro) New York hiria utzi, eta herri txiki batera bizitzera joatea erabakiko du. Charlie izeneko irudizko laguna asmatuko du orduan neskatoak, eta, hasieran harekin jolasean une onak igaroko baditu ere, geroago lagun berri horrek bere jarrera aldatuko du eta txarto portatuko da. Charlie benetakoa dela pentsatzen hasiko da aita...
Ez ezazu galdu El escondite filma, gaur, 22:15ean, ETB2n.
