Irujo-Xala lau eta erdian, gaur, ETB1en eta eitb.eus-en

Lau eta erdiko pilota txapelketa final laurdenetako ligaxkan sartu da eta gaur Irujoren eta Xalaren arteko buruz burukoa dakarkigu. Eibarko Astelenan jokatuko den partida zuzenean eskainiko dute ETB1ek eta eitb.eus-ek arratsaldeko bostetan hasiko den emanaldiaren barruan. Partida nagusiaren aurretik Tainta-Altuna III neurketa jokatuko da eta ondoren Rezusta-Jaka. Xabier Euzkitzek, Joxan Tolosak eta Elena Azpeitiak egingo dute kontakizuna.

Saskibaloiari dagokionez, Endesa Ligako bi partida izango dira ikusgai ETB1en eta eitb.eus-en: 12:15ean Gipuzkoa Basket-Bartzelona eta 20:45ean Laboral Kutxa-Bilbao Basket. Esatariak Xabier de la Fuente, Josean Aldalur eta Juan de la Vega izango dira.

16:00etan, herri kirolen tartea zabalduko dute, eguerdian Beasainen jokatutako aizkolarien Euskadiko txapelketa eskaintzeko. Ibon Gaztañazpik eta Joxe Etxebestek emango dute bertako berri.

Emanaldiekin amaitzeko, ETBKn, 20:15ean, binakako erremonteko txapelketako Ezkurra-Ion / Etxeberria IV-Etxeberria III partida izango da ikusgai ETBKn. Jarraian, zesta puntako Durangoko Pro-Am torneoko ¾. posturako neurketa: Egiguren II-Zabala / Jagoba-I. Erkiaga.

Azkenik, Mikel Olazabalek futbol jardunaldiaren errepasoa egingo du 19:30etik 'Gol Festa' saioan ETB1en.