telebista
Pilota eta txirrindularitza
Urrutikoetxea-Zubieta / Elezkano II-Rezusta, zuzenean
EITB
22:00etan, binakako bost t'erdiko txapelketako partidarekin bat egingo dute ETB1ek eta eitb.eus-ek, eta egunero bezala, Frantziako Tourra eskainiko dute zuzenean 14:15etik aurrera.
Gaur gauean Arrigorriagan jokatuko den pilota jaialdia eskainiko du Euskal Telebistak zuzenean. Urrutikoetxea-Zubieta eta Elezkano II-Rezusta bikoteek Bizkaiko Bost T'erdiko Txapelketako partida jokatuko dute. Aurretik, Victor-Iturriaga eta Agirre-Apraiz izango dira nor baino nor gehiago atariko norgehiagokan. Jokin Errastik eta Josetxo Lizartzak egingo dute emanaldiaren kontakizuna 22:00etatik aurrera ETB1en eta eitb.eus-en.
Frantziako Tourraren 13. etapa
Horrez gain, Frantziako Tourraren hamahirugarren etaparekin bat egingo du Euskal Telebistak zuzenean. Muret eta Rodez arteko 198,5 kilometroko ibilbidea egingo dute txirrindulariek, eta Fermin Aramendi, Xabier Usabiaga eta Pedro Mari Goikoetxea izango dira emanaldiaren arduradun, 14:15ean ETB4n eta 15:00etatik aurrera ETB1en.
