telebista
Gaur
Berasaluze II-Untoria / Irujo-Barriola, ETB1en eta eitb.eus-en
EITB
Horrez gain, Frantziako Tourraren hemeretzigarren etapa ere izango da ikusgai zuzenean, mendi etapa gogor eta ikusgarria.
Gaur gauean, bost t'erdiko pilota torneoaren finalaurreko partida jokatuko dute Berasaluze II-Untoria eta Irujo-Barriola bikoteek. Euskal Telebistak gaueko 22:00etatik aurrera eskainiko du Barakaldon izango den pilota jaialdia. Txapelketako partidaren aurretik, Gorka-Urruzola eta Mendizabal III-Larrinagaren arteko atariko norgehiagoka eskainiko du. Josetxo Lizartzak eta Jokin Errastik egingo dute emanaldiaren kontakizuna ETB1en eta eitb.eus-en.
Frantziako Tourraren 19. etapa
Mendi etapa gogorra izango da Frantziako Tourraren hemeretzigarrena. Le Corbier lehenengo mailako mendatearen gailurrean amaituko da, baina aurretik Col de Chaussy (1. Maila) eta Col de la Croix de Fer (maila berezia) mendateei aurre egin beharko diete txirrindulariek. Fermin Aramendik, Xabier Usabiagak eta Pedro Mari Goikoetxeak egingo dute etaparen kontakizuna 13:15etik aurrera ETB1en.
