telebista
Binakako Txapelketa
Bengoetxea VI-Untoria / Irujo-Rezusta, gaur, zuzenean
A.A.
EiTB
Bigarren B Mailako Gernika-Real Union futbol partida ere eskainiko da arratsaldean zehar ETB1en eta eitb.eus-en.
-
Binakako Txapelketako pilotariak
Iruñeko Labrit pilotalekuan jokatuko den Binakako Txapelketako partida eskainiko dute gaur ETB1ek eta eitb.eus-ek, zuzenean. Bengoetxea VI.ak eta Untoriak Irujoren eta Rezustaren aurka neurtuko dituzte indarrak. Atariko partidan, berriz, Tainta-Larunbe eta Victor-Begino izango dira aurrez aurre. Jaialdia 18:00etan hasiko da, eta Josetxo Lizartzak, Jokin Errastik eta Xabier Anduezak egingo dute kontakizuna.
Pilotaren aurretik, 16:00etan, Bigarren B Mailako 17. jardunaldiari dagokion Gernika-Real Union partida izango da ikusgai. Naxari Altuna, Juanan Larrañaga eta Erik Hernandez izango dira esatariak.
Larunbateko kirol eskaintza afizionatuen Lau T'erdiko Txapelketako finalak osatuko du. Iñigo Aiestaranek gidatuko du emanaldia, 12:00etatik aurrera, ETB4n.
