telebista
Zuzenean
Ezkurdia-Barriola / Artola-Albisu, gaur, ETB1en eta eitb.eus-en
A.A. | EiTB
Goizean, 'Oreka' saioaren barruan, Gernika-Quesos El Pastor saskibaloi partida izango da ikusgai.
-
Joseba Ezkurdia
Binakako Txapelketak Oñatin izango du hitzordua igande honetan. Ezkurdiak eta Barriolak, Artolaren eta Albisuren aurka neurtuko dituzte indarrak. Partida hori zuzenean eskainiko dute ETB1ek eta eitb.eus-ek, 17:00ean hasiko den pilota emankizunean. Atariko partida Promozio Txapelketakoa izango da: Mendizabal III-Erostarbe / Elordi-Irusta. Xabier Euzkitzek, Joxan Tolosak eta Elena Azpeitiak egingo dute jaialdiaren kontakizuna.
Eguerdiko 12:00etan, 'Oreka' saioaren barruan, saskibaloiari egingo diote tartea ETB1ek eta eitb.eus-ek. Bezperan jokatutako Emakumeen Ligako 19. jardunaldiko Gernika-Quesos El Pastor norgehiagoka izango da ikusgai. Juan de la Vega eta Aitor Uriondo arduratuko dira emankizunaz.
Bestalde, bi herri kirol emankizun izango dira ETB1en: 13:30ean, sokatira, Goma Gaineko Euskadiko Txapelketa (emakumeen eta 500 kg mailan); 16:00etan, aizkolariak, Rekondo-Saralegi / Lopez Azpilikueta-Otaegi Binakako Eusko Label sariko dema. Esatari lanak Juanan Legorburuk eta Ruth Linazak egingo dituzte goizean, eta Ibon Gaztañazpik eta Joxe Etxebestek arratsaldean.
