13:22

telebista

Jarraipen berezia

ETBk Madriletik zuzenean jarraituko du Inbestidura Osoko Bilkura

A.H. | EITB

'En Jake', 'Sin Ir Más Lejos' eta 'Minuto a Minuto' saioek Pedro Sanchezen Inbestidura Osoko Bilkurarekin bat egingo dute zuzenean.

  • Whatsapp
  • Whatsapp
  • telegram
  • Bidali

Euskal Telebistak Madriletik jarraituko du Pedro Sanchezen Osoko Bilkuraren azken ordua, asteazkenean eta ostegunean, martxoaren 2 eta 3an. Xabier Lapitzek, batetik, Diputatuen Kongresutik zuzenean aurkeztuko du 'En Jake' saioa, eta 'Sin Ir Más Lejos' saioarekin zuzeneko konexioak egingo ditu arratsaldean.

Ostegunean, bestalde, 'Minuto a Minuto' saioak, euskal diputatuen solasaldia eskainiko du Madriletik, Aintzane Bolinagak gidatuta. Hitzorduan, Inbestidura Osoko Bilkuraren nondik norakoak, alderdi politiko ezberdinen jarrera eta interbentzioak, eta lehen bozketaren emaitzak aztertuko dituzte.

ETBko saioek ez ezik, ETBko albistegi zerbitzuek ere arreta bereziz erreparatuko diote Madrilen jazotzen den guztiari egun hauetan.

Pedro Sanchezek astearte arratsaldean eskainiko du bere inbestidura hitzaldia. Hurrengo egunean, asteazken goizean, Osoko Bilkura berrirekiko da eta legebiltzarreko gainontzeko taldeek hitz egiteko txanda izango dute, bakoitzak bere jarrera azaldu dezan. Hautagaiaren taldea, izango da hitz egiten azkena. Aurreikuspenen arabera, inbestiduraren lehen bozketa asteazken gauean izango da, eta Sanchezek ez ditu behar bezain beste boto lortuko.

'En Jake' Madriletik zuzenean

Asteazkeneko eta osteguneko 'En Jake' saioak Madriletik eskainiko dira zuzenean. Asteazkeneko saio berezia, goizeko 11:00etan hasiko da eta Xabier Lapitzek Diputatuen Kongresuan gertatuko den guztiaren berri emango du, mahai-inguruan, Luis Aizpeolea, Iñaki Ansagasti, Alberto Pradilla eta Marisa Gallego kolaboratzaileak lagun dituela.

Osoko Bilkuraren azkeneko orduaren berri emateko, Arantza Ruiz kazetaria Kongresu barruan izango da eta bertatik egingo ditu zuzeneko konexioak. Horrez gain, hainbat alderdi politikotako ordezkariak elkarrizketatuko ditu, besteak beste, Aitor Esteban, EAJko diputatua.

Ostegunean, aldiz, 'En Jake' saioa goizeko 11:45ean hasiko da, eta hori ere Madriletik zuzenean izango da ikusgai. Aurreko egunean gertatutako guztia aztertuko du saioak, eta Pedro Sanchezen inbestidura hitzaldiaren osteko lehenengo bozketaren berri emango du. Xabier Lapitz, Alberto Pradilla, Tonia Etxarri, Ernesto Ekaizer eta Jokin Bildarratz kolaboratzaileekin batera arituko da mahai-inguruan, eta Arantza Ruiz kazetariak Kongresuaren barrutik egingo ditu zuzeneko konexioak.

'Sin Ir Más Lejos', asteazkenean

Xabier Lapitzek arratsaldeko 'Sin ir Más Lejos' magazinarekin egingo du bat asteazken arratsaldean, eta Inbestidura Osoko Bilkuraren azkeneko orduaren berri emango du Diputatuen Kongresutik. Jardunaldian zehar gertatutakoa aztertuko du eta bi elkarrizketa ezberdin egingo ditu. Alde batetik, Gonzalo Cortizo, eldiario.es-eko iritzi burua elkarrizketatuko du, eta bestetik, Esther Esteban, hedabide ezberdinetan lan egin duen kazetari adituarekin izango da.

Ostegunean, 'Minuto a Minuto'

Lehenengo bozketa egin eta ordu batzuk geroago, Aintzane Bolinagak euskal diputatuen solasaldia gidatutako du Kongresuaren aurrean kokatu izango den gunetik. Honako diputatu hauek izango dira solasaldian: Aitor Estebam (PNV), Marian Beitialarrangoitia (EH BIldu), Javier Lasarte (PSE-EE), Iñaki Oyarzabal (PP) eta Nagua Alba (Podemos).

Solasaldian, inbestiduraren lehen saio honen nondik norakoak, Pedro Sanchezen hitzaldia eta gainontzeko alderdi politikoek erakutsitako jarrera aztertuko dituzte. Horrez gain, ostiral gauerako aurreikusitako bigarren jardunaldi eta bozketan gertatuko dena aurreratuko dute.

Iruzkinak

  • Publizitatea
    logo eitb nahieran
    Publizitatea
    Floorren arauak Ezarrita dagoenaren aurkako arauak ezartzen Floorren arauak
    Prentsa Aretoa Prentsa oharrak, deialdiak, agenda, fototeka,… Prentsa Aretoa
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena