Diputatuen Kongresua

Herminio Rufino Sanchez PSOEko diputatuak baiezko botoa eman du, baina berehala onartu dute zuzenketa. Kongresuko Mahaiko idazkariak ere huts egin du bere abizena esatean, eta horrek ordezkari sozialistaren hanka-sartzea lagundu ahal izan du boza ematerakoan.

Cuca Gamarra PPk Kongresuan duen bozeramaileak adierazi duenez, "Sanchez jauna bere isiltasunarekin agerian geratu da, ez baita ausartzen Ganbera honetan aurpegia ematera eta bere interes pertsonala lortzearren Espainia saltzen ari dela onartzera".

Alberto Catalan UPNko diputatuaren ustez, "ezin da negoziatu edo itunik itxi ETAren erasoak gaitzetsi gabe jarraitzen duten indar politikoekin, ezta Justiziatik ihes egiten dutenekin ere, eta ezin da indulturik, amnistiarik, kontsultarik edo autodeterminazio-erreferendumik eskaini".

Mertxe Aizpurua EH Bilduko bozeramailearen hittzetan, "guztiok dakigu antzezpen honek Feijooren bakardadea, porrota eta gaitasun falta ezkutatzen duela". "Iraina, oldarkortasuna eta lokatza, beste eskaintzarik ez duzue Feijoo jauna", esan dio PPko hautagaiari.

Alberto Nuñez Feijoo PPren Espainiako presidentegaiaren inbestidura saioaren bigarren eguna asteazken honetan hasi da, EH Bilduren eta EAJren hitzaldiekin.

Miriam Noguerasek gogorarazi dio Feijoori Juntsen zazpi botoak 'Ez' izango direla. Bere esanetan, Feijoori ez zaizkio botoak bakarrik falta, errealitatea konplexua dela ulertzea falta zaio.

Marta Lois talde plurinazionaleko diputatuak "herrialdeari denbora galaraztea" leporatu dio Feijoo hautagaiari. "Gaur ez gatoz inbestidura bat egitera, bidaia baten amaierara baizik".

Santiago Abascal Voxeko presidenteak elkarrekin lan egitea eskatu dio Alberto Nuñez Feijoo PPko buruzagiari, aliantza nazional bat "oztoporik eta konplexurik gabe" eraikitzeko, "separatismo kolpistak" Moncloan egin nahi duen urrats bakoitza geldiarazteko.

Pedro Sanchez jardunean dagoen presidenteak ez du hitza hartu Alberto Nuñez Feijooren inbestidura saioan, PSOEren txanda iritsi denean. Popularren haserrea eragin du horrek, eta diputatu guztiak altxatu eta oihuka hasi dira: "Koldarra, koldarra".

Oscar Puente Valladolideko alkate ohi eta PSOEko diputatuak adierazi duenez, "hunkigarria" izan da bi hilabetez Feijoo hauteskundeetako irabazleari Gobernua osatzen uztea eskatzen entzutea, PPk ez baitu "errespetu" bera izan hautagai sozialistekiko.

Feijook defendatu du beharrezkoa dela independentzia judiziala bermatzea eta Botere Judizialaren Kontseilu Nagusian politikaririk ez egotea, eta Estatuko Fiskaltza Nagusiaren independentzia bermatzearen eta Botere Betearazlearen eta Judizialaren arteko ate birakariekin amaitzearen alde agertu da.

Nuñez Feijook argi utzi du "Konstituziotik kanpo ez dagoela demokraziarik", eta azpimarratu du espainiar gehienek ez zutela babestu uztailaren 23an amnistia eta autodeterminazioa jasotzen zituen hauteskunde programarik.

Diputatuen Kongresuak Ganberako Araudiaren erreforma onartu du, hizkuntza koofizialak Parlamentuko jarduera osoan ezartzeko, PPren eta Voxen osoko zuzenketak atzera bota ondoren.

Alderdi Popularreko diputatu guztiek ez dute itzulpen zerbitzua erabili Joseba Agirretxea jeltzaleak euskarazko hitzaldia egin duen bitartean. Borja Semper PPko diputatuak, bestalde, Kongresuan euskara erabiltzea saihestu du gaur.

Atzo gazteleraz hitz egingo zuela eta ez zuela "ergelarena" edo "gauza arrarorik" egingo esan ostean, Borja Semper PPko diputatuak euskaraz hitz egin du Kongresuko osoko bilkuran. Hala ere, bere alderdikideek ez dute itzultzailea entzuteko gailua erabili.

EAJko diputatua pozik agertu da bere ama hizkuntza "tribunatik eteteko beldurrik gabe" erabili ahal izateagatik.

Mertxe Aizpurua (EH Bildu) bihurtu da Diputatuen Kongresuan euskaraz hitz egin duen lehen diputatua. "Euskaldunok ezin dugu gure herrian euskaraz bizi", gogorarazi du.

EAJko diputatua pozik agertu da bere ama hizkuntza "tribunatik eteteko beldurrik gabe" erabili ahal izateagatik.

Mertxe Aizpurua (EH Bildu) bihurtu da Diputatuen Kongresuan euskaraz hitz egin duen lehen diputatua. "Euskaldunok ezin dugu gure herrian euskaraz bizi", gogorarazi du.

Hemiziklotik irten aurretik, Voxeko diputatuek Pedro Sanchezen eserlekuan utzi dituzte banan-banan itzulpenak entzuteko gailuak.

Behe Ganberak 200 entzungailu ditu, eta beste 450 erostea aurreikusten da, diputatuentzat (350), takigrafoentzat, abokatuentzat, prentsarentzat eta publikoarentzat nahikoa material ziurtatzeko. Gainera, urtea amaitu arte petakak eta irrati-maiztasuneko antenak alokatuko dira.

Euskara, katalana eta galegoa erabili ahal izango dira bihar Diputatuen Kongresuan. Gaiari buruz galdetuta, Borja Semper PPko eledunak ziurtatu du diputatu popularrek gaztelaniaz hitz egingo dutela, "espainiar guztiek uler ditzaten".