telebista
Kirolak zuzenean
Astilleroko Bandera eta Markinako pilota jaialdia, gaur, EiTBn
A.A. | EiTB
17:30ean hasiko da estropada emanaldia eta 19:00etan pilotakoa, ETB1en eta eitb.eus-en.
ETB1ek eta eitb.eus-ek zuzenean eskainiko dute San Miguel Ligako bigarren proba, Astilleroko Bandera, larunbat honetan, 17:30etik aurrera. Mikel Olazabalek, Ibon Gaztañazpik eta Sara Gandarak egingo dute kontakizuna.
Estropadaren ostean, 19:00etan, 'ETB Kantxa' saioa hasiko da. Markinako pilota jaialdia izango da ikusgai: Olaizola II-Aretxabaleta eta Urrutikoetxea-Larunbe bikoteen arteko partida zuzenean emango da, eta aurretik jokatu den Berasaluze II-Beroiz eta Elezkano II-L. Galartza bikoteen artekoa, diferituan. Josetxo Lizartza, Jokin Errasti eta Xabier Andueza izango dira esatariak.
Bestalde, ETB4n, bi emanaldi izango dira larunbatean: 11:00etan, Andoaingo zesta puntako torneoko finalen berri emango dute Iker Zabalak eta Felix Ispillak. Jarraian, Zeberio II-Aizpuru III eta Ansa II-Ion bikoteen arteko erremonte partidaren kontakizuna egingo dute Juanan Legorburuk eta Manuel Arrizabalaga Matxinek. Zesta punta emanaldia eitb.eus bidez ere jarraitu ahal izango da.
