Itxi

2017/10/21

09:14

telebista

21:45ean

Euskal Herriko Dantza Txapelketa, gaur, ETB1en eta eitb.eus-en

A.E. | EiTB

Gipuzkoa, Araba eta Lapurdiko 13 bikote arituko dira nor baino nor gehiago eta, atsedenaldian, Tio Teronen Semeak taldeak hartuko du parte.

0:16
  • Whatsapp
  • Whatsapp
  • Telegram
  • Bidali

Gaur (urriak 21) jokatuko da Euskal Herriko Dantza Txapelketaren 41. edizioa. Hamahiru bikote, Gipuzkoatik hamar, Arabatik bi eta Lapurditik bat, nor baino nor gehiago arituko dira Baratze pilotalekuan, arratsaldeko 18:00etan. ETB1ek eta eitb.eus-ek jaialdia 21:45ean eskainiko dute Izaro Iraetak eta Imanol Artolak aurkeztuta.

Hamahiru bikote ariko dira lehian Seguran. Gipuzkoatik datozen lau azpeitiarrak dira: Amets Amubieta eta Larraitz Larrañaga, Mikel Subinas eta Maite Beobide, Ekain Uzkudun eta Laura Bastida, eta Jon Ander Iriondo eta Maider Arrieta. Gipuzkoako beste ordezkariak, berriz, honako hauek dira: iazko txapeldunak diren Xabier Artola eta Idoia Besada iruratarrak, Errezildik datozen Gorka Kerejeta eta Leire Eizmendi, eta Julen eta Nagore Berrondo bikoteak, Villabonako Iker Sanz eta Ane Urruzola, Bergarako Julen Murgiondo eta Saioa Galarraga, eta Getariako Irati Aranguren eta Leire Urresti. Gasteiztik etorriko dira Beñat Olano eta Amaia Uralde eta Gorka Etxeandia eta Sara Chaves, eta Urruñetik Pierre Latasa eta Miren Arbelbide.

Dantzariek zortzi bueltako fandangoa txistuz, Isilkara txistulari taldearen musikarekin, eta arin-arina trikitiaz, Estanga anai-arrebak trikitilarien piezarekin, dantzatuko dute.

Epaimahaia Euskal Dantzarien biltzarreko bost adituk osatuko dute: Arantxa Garin, Josu Ibarra, Antton Mendizabal, Nerea Vesga eta Ander Garitaonaindiak. Janzkera epaileak, berriz, Ainhoa Mendiburu eta German Nestares izango dira.

Imanol Artolak eta Izaro Iraetak aurkeztuko dute txapelketa aurten ere. Juan Mari Sorazuk dantza adituaren laguntza ere izango dute eta Agustin Ezenarro kazetariak egingo ditu elkarrizketak. Epaimahaiak erabakia eztabaidatzen duen bitartean, halaber, Tio Teronen Semeak dantza taldearen emanaldia izango da. Euskal dantza tradizionala eta umorea uztartzen duen saioa eskainiko dute. Hainbat jatorri desberdineko dantzariak biltzen ditu taldeak, eta guztiek bi gauza dituzte komunean: dantzatzeko pasioa eta umore paregabea.

II Dantza Eguna eta bisita gidatuak

Iaz bezala, Euskal Herriko Dantza Txapelketaren atariko, II Dantza Eguna izango da Seguran. Egun osoan zehar, herrian dantza egiteko aukera izango dute nahi duten guztiek. Orobat, aurten paisaiaren inguruan antolatu diren Ondarearen Europako Jardunaldien baitan, bisita gidatuak izango dira larunbatean Seguran.

  • Bisitatuena

      Kargatzen ikusiena
      Kargatzen ikusiena
    ;