Astilleroko Bandera eta Artola vs Bakaikoa partida, gaur, ETB1en eta eitb.eus-en

Zumaiako Flysh Trail mendi lasterketarekin zabalduko da ETBren kirol eskaintza. Ekainaren 23n jokatutako probaren nondik norakoak ekarriko dizkigute Juanan Legorburuk eta Jokin Lizeagak 16:45etik aurrera.

18:00etan zuzeneko emankizuna izango dugu Santanderretik. Astilleroko Banderaren kontakizuna egingo digute Mikel Olazabalek, Ibon Gaztañazpik eta Sara Gandarak. Lehendabizi, Euskotren Ligako arraunlariak izango dira nor baino nor gehiago, lehiaketako lehen jardunaldian, eta ondoren Eusko Label Ligakoak.

22:00etan pilotaren tartea zabalduko dute, arratsaldean Barañain ospatutako jaialdia eskaintzeko: Laso - Larunbe vs Agirre - I. Zabala eta 4 ½-ko San Fermin Txapelketako Artola vs Bakaikoa. Josetxo Lizartza, Jokin Errasti eta Xabier Andueza izango dira esatariak.

Emanaldi guztiak ETB1en eta eitb.eus-en eskainiko dira.