telebista
Kirolak
Tourreko lehen etapa eta Coruñako Bandera, gaur, zuzenean
EiTB
Waterpoloak eta esku-pilotak osatuko dute kirol eskaintza.
-
Frantziako Tourra, egunero, ETBn eta eitb.eus-en.
Zuzeneko bi emanaldi izango ditugu gaur ETB1en eta eitb.eus-en. Hasteko, txirrindularitza: Frantziako Tourreko lehen etapa, 192,5 kilometrokoa, Bruselan hasi eta amaituko dena. 14:00etan hasiko da emanaldia ETB4n, eta 15:00etatik aurrera ETB1en eskainiko dute. Fermin Aramendik, Xabier Usabiagak eta Pedro Mari Goikoetxeak egingo dute kontakizuna, eta, ondoren, 'On Tour' saioan komentatuko dituzte etaparen nondik norakoak.
Hau amaitutakoan estropadak izango ditugu: Coruñako Banderaren lehen jardunaldia. Euskotren Ligako taldeak lehiatuko dira lehendabizi, eta Eusko Label Ligakoak, ondoren.
Pilotak osatuko du ETB1eko kirol eskaintza. Arratsaldean Iruñean ospatutako jaialdia izango dugu ikusgai 22:00etan: Agirre - I. Zabala vs Zabala - Erostarbe eta Olaizola II.a - Aretxabaleta vs Jaka - Rezusta.
ETB4n, beste bi emanaldi izango ditugu: 12:00etan, pilota, Eskuz Binakako Elite Txapelketa, eta 18:00etan, waterpoloa, Portugaleteko Nazioarteko Txapelketa.
