telebista
22:30ean
Etxeko sukaldaritza Goierrin, gaurko 'Juego de Cartas' saioan
EiTB
Honako jatetxeak arituko dira norgehiagokan: Lazkaoko Nerea, Ezkioko Agirretxea, Aramako Toki Alai eta Legazpiko Goiherri.
-
Javi Sierra 'Juego de Cartas' saioaren aurkezlea, Goierrin. Irudia: EiTB
Gaurko 'Juego de Cartas' saioa Goierrira joango da tradizioa, egiazkotasuna eta betiko zaporeen bila.
Hasteko, Itxaso Sukiaren Nerea jatetxean egongo dira, Lazkaon. Inguruko baserrien osagaiekin prestatzen du Itxasok bere menua.
Ondoren, Ezkiora joango dira. Bertan, Juanjo Martínez de Rituertok eta Marijo bere emazteak Agirretxea jatetxea erakutsiko digute.
Maider Carcellerrek eta Eli bazkideak begano eta makrobiotikoentzat egokitutako menua eskaintzen dute Aramako Toki Alai jatetxean.
Legazpin amaituko dute bidaia. Sylvain Pernet Goiherri jatetxeko jabea eta sukaldaria da, baita euskal sushiaren sortzailea ere.
'Juego de Cartas' astelehen honetan izango da ikusgai, 22:30ean, ETB2n eta eitb.eus-en.
