telebista
22:00etan
'Azpeitia Oholtzan' emanaldi berezia, gaur gauean, ETB1en eta eitb.eus-en
EiTB
Udal Musika Bandak eta herriko musika eta dantza talde ezberdinek iragan ekainaren 22an eskainitako ikuskizuna dakarkigu aste honetan Ilaski Serranok.
'Azpeitia Oholtzan' emanaldiaz gozatu ahal izango dugu, gaur gauean, 22:00etan, ETB1en eta eitb.eus-en.
2019ko ekainaren 22an Azpeitiko plaza nagusian grabatutako ikuskizunean Udal Musika Bandak eta herriko beste hainbat taldek hartu zuten parte: Luis Alberdi Beltza eta Dantzaki dantza eskoletako kideek; Kbeat, Azketa eta Julian Barrenetxea abesbatzek, eta Juan de Antxieta musika eskolako ikasleek.
Ilaski Serranok gidatuko duen emanaldian kanta ezagunak entzungo ditugu: 'Uso zuria', 'Goizeko izarra', 'Maite', 'Baratze bat', 'Udako egunak', 'Yellow submarine' eta 'La, la, land' besteak beste.
