telebista
22:30ean
'La Crueldad No Tiene Bando' atala, gaur gauean, "Vamos a Hacer Historia" saioan
EITB
Elene Lizarraldek eta Juan Manuel Gonzalez Cembellinek gidatutako saioak historialari, aditu eta protagonisten senideekin errepasatuko ditu gertakariak.
-
Ontzi-espetxe bat. EITBren bideo batetik hartutako irudia
Gaur gauean, "Vamos a Hacer Historia" saioan, Gerra Zibileko atalik dramatikoenetako bat aztertuko dugu Elene Lizarralde kazetariaren eta Juan Manuel Gonzalez Cembellin historialariaren eskutik.
1936ko udazkenetik 1937ko urtarrilera bitartean, Frankisten hegazkinek biztanleria zibila bonbardatu ostean, jendea haserre eta mendeku eske zen. Ondorioz, alderdi errepublikarrek zaindutako bi ontzi-espetxe, eta sortu berri zen Eusko Jaurlaritzak administratutako Bilboko lau espetxe eraso zituzten.
Hori guztia dela eta, 300 preso baino gehiago hil zituzten. Sarraskia saihestu izana posible ote zen edo garaiko agintarien erantzukizuna zein izan zen aztertuko du saioak.
Historialariek, adituek eta protagonisten senitartekoek gertaera haiek berreraikitzen lagunduko digute.
"Vamos a Hacer Historia" saioaren 'La Crueldad No Tiene Bando’ atala gaur izango da ikusgai, 22:30ean, ETB2n eta eitb.eus-en.
