telebista
Hiru3ren webean
ETBko marrazki bizidunak, eitb.com-en
A.A.
EITB
ETB-3n ematen diren marrazkiak eta haurrentzako saioak daude ikusgai, bakoitzak nahi bezala eta nahi duenean ikusteko. Interneten marrazki bizidunak euskaraz ikusteko aukera zabaltzen du EITBk.
-
Dragoi Bola (Argazkia: EITB)
Marrazki bizidunak eitb.com-en ikusgai egongo dira hemendik aurrera, norberak nahi eran eta nahi duenean ikusteko moduan. ETB-3n emititzen diren marrazki bizidun sailetako batzuk eta ETBk azken urteetan eman dituen haurrentzako saioak jarri dira ikusgai Hiru3ren webgunean, horrela, interneten marrazki bizidunak euskaraz ikusteko aukera zabalduz.
Dragoi Bola, Shin Chan, Doraemon, Benetako mamuak, Etxekaltetxoak, Monk, Shaun arditxoa, George Oihanekoa, Woofy... ETB-3n gaur egun emititzen diren marrazkiak edozein momentutan internet bidez ikusteko aukera dago. Atal horietako gehienak telebistan emititu eta hurrengo zazpi egunetan ikusi ahal izango dira interneten.
Horrez gainera, azken urteetan ETBn ikusgai egon diren hainbat haur programa ere denon eskura jarri dira, hala nola, Trikitraka Trikitron, Ipupomamua, Sagarra da apple, Sinfokids eta haurrek parte hartzen duten "Mihiluze" saioa.
