albistea
Audientzia oharra
Lehendakariari egindako 'Euskadi Pregunta' izan da denetan ikusiena
A.H.
EITB
336.000 ikus-entzulek jarraitu zuten asteazkenean 'Euskadi pregunta a Patxi Lopez'
-
Africa Baeta eta Patxi Lopez 'Euskadi Pregunta' saioan
"Euskadi Pregunta a Patxi Lopez", asteazkenean ETB-2n Africa Baetak aurkeztu zuen albistegi berezia, izan da orain arte egin direnetan ikusiena. Zehazki, 107.000 ikus-entzule izan zituen bataz beste Euskadin eta eragin eremuan, eta %11,7ko audientzia kuota lortu zuen. Saioa sendotuz doa, audientziarengan geroz eta interes gehiago piztuz. Hirugarren atal honek, 336.000ko audientzia metatua izan zuen.
Ondoren ETB-2n Aitzol Zubizarretak aurkeztuta, elkarrizketa aztertzeko kazetariekin egindako eztabaidak %9,2ko audientzia zatia lortu zuen eta 156.000ko audientzia metatua.
Galderarik interesgarriena
Eitb.com-en prestatutako 'Euskadi Pregunta' web bereziaren bidez saioan parte hartzeko aukera ere badago. Hartara, galderarik interesgarrienak aukeratzeko inkestan, orain arte bozkatuena, Gasteizeko Saioa Castañedak egindako galdera da; 'francking' izeneko gas erauzketaren gainean duen iritziaz galdetu zion hautagaiari.
