101 Gaztelu
6. atala
Mikel Elizegi, talde gorriaren girotzailea
I.A.
Mikel Elizegi zaldunen taldean izan da "101 Gaztelu" saioaren 6. atalean eta ederki animatu ditu taldekideak. Abestu egin die, meditatzen erakutsi die, eta Imanoli ligatzeko aholkuak eman dizkio.
Artaxoako hesian eman dute gaua "101 Gaztelu" saioko lehiakideek. Bilauek auto-karabanan eta zaldunek kale gorrian. Hotz handia izan bada ere, Mikel Elizegik gaua alaitu die talde gorriko kideei. A ze nolako "errepertorioa" duen gure Elizegik: "Kupela" eta "Carrascal" abestu dute, eta meditatzen ere erakutsi die taldekideei.
Bazkalondoan Mikel Elizegik ligatzeko aholkuak eman dizkio Imanoli. Antza denez, Ermuako parapsikologoari Alazne Rodriguez lehiakide berria gustatzen zaio eta jarraitu beharreko taktikak eman dizkio Elizegik.
Gainera, talde beltzak gasik ez zuelako jan ezin izan zuen oilaskoarekin afari ederra prestatu du Mikel Goñik taldearentzat. Zaldunen artean, barreak eta txantxak izan dira nagusi, Bilauen kontura.
