Kimetz abesbatza, Algortako San Nikolas Ikastolaren baitan sortu zen 1973an, Luke Altuna zuzendari eta MªIsabel Igual eta Miren Fresnedo laguntzaile zituela. Olentzeroren etorreran Algortako kaleetatik abesteko asmoaz jaio zen baina, arrakasta handia izan zutenez, koruarekin jarraitzea erabaki zuten. Ricardo Martin Ariño da abesbatza mistoaren egungo zuzendaria, eta Paul Bilbaok egingo ditu bozeramaile lanak.