Biba Zuek
18:00etan
Lur Errekondo harri-jasotzailea, gaur arratsaldean, "Biba Zuek!" saioan
EITB Media
Lehen orduan, kultura, gizartea eta kiroleko hiru emakume izango dituzte platoan Emakumearen Nazioarteko Eguna hizpide hartuta.
-
Lur Errekondo. EITB Mediaren bideo batetik ateratako irudia
Gaur arratsaldean, Lur Errekondo usurbildarra izango dute "Biba Zuek!" saioan gonbidatu. Eskubaloiko jokalaria izan da urte luzez, eta azken aldian harria jasotzen ikusi dugu. Eskubaloian Bera-Bera taldean aritu zen ohorezko mailan, eta Espainiako Superkopa (2016an eta 2017an ) eta Euskadiko Kopa (2017an) irabazi zituen. Familiatik datorkio eskubaloiarekiko zaletasuna, aita Xabier Mikel Errekondo eskubaloi jokalari ohia du eta. Astearte honetan, Maddalen Arzallusek eta Xabier Sukiak egingo dioten elkarrizketan eskuartean dituen erronka eta helburuak azalduko ditu.
Lehen orduan M8 Emakumeen Nazioarteko Eguna hizpìde hartuta kultura, gizarte eta kiroleko hiru emakume izango dituzte platoan eta gonbidatu bakoitzak bere arloan dituen aldarrikapenak azalduko ditu.
"Biba Zuek!" astelehenetik ostiralera izaten da ikusgai, 18:00etatik aurrera, ETB1en eta eitb.eus-en.
