Aini eta Jokin, "El Conquistador del Caribe" saioko irabazleak, gaurko "Biba Zuek!" saioan

Ainize Lizarralde eta Jokin Ramos "El Conquistador del Caribe" saioko aurtengo irabazleak izango dira gaurko gonbidatu nagusiak "Biba Zuek!" saioan. Edizio berezia izan da aurtengoa, besteak beste, historian lehen aldiz bi irabazle izan direlako. Aini eta Jokin txapeldunak platoan izango dira, eta 18. edizio honetaz hitz egingo dute Maddalenekin eta Xabierrekin.

Aurretik, saioaren lehen orduan, udan irakurtzeko egokiak diren liburuen gainean arituko dira eta liburu fresko eta arinak izango dituzte hizpide. Horretarako, bi itzultzaile gonbidatu dituzte platora: Aitor Blanco eta Xabier Aristegieta. Aitorrek Sherlock Holmesen memoriak liburua itzuli du; eta Xabierrek, berriz, Agatha Christieren hainbat lan.

"Biba Zuek!" saioa, 18:00etatik 20:00etara ikusgai, ETB1en eta eitb.eus-en.