Go!azen
2. atalean
Gerente berria izango du gaurtik aurrera Basakabik
EiTB
Telmo, gerente xelebrea, iritsiko da ‘Go!azen’eko bigarren atalean Basakabira. Bien bitartean, gazteek azken eguneko funtzioa prestatzeari ekingo diote.
Bideoak (3)
Galeriak (1)
Informazio gehiago (2)
'Go!azen' telesailaren gaurko atalean Basakabiko gerente berria ezagutuko dugu: Telmo Malasetxeberria xelebrea. Bitartean, gazteak azken eguneko funtzioa prestatzen hasiko dira.
Udalekua martxan dago dagoeneko, baina Amaiak gehiegi gastatu ez dezan, enpresak gerente bat bidaltzea erabaki du. Horrela iritsiko da Telmo Basakabira. Bere helburua ahalik eta gehien aurreztea izango da, eta ez dizkio gauzak erraz jarriko zuzendari berriari.
Gizon xelebrea da Telmo. Izan daitezkeen alergia guztiak ditu eta hipokondriako xamarra da. Gainera, ez diote berak espero duen ongi-etorria egingo udalekuan.
Bien bitartean, Eider eta bere taldea udaleku amaierako funtzioa prestatzen hasi dira. Abestia aukeratu dute eta lehenengo entseguekin hastear dira, baina ezbehar txiki bat izango dute eta kide gehiago bilatu beharko dituzte.
Danel, berriz, “guay”en taldean onartu dutela ematen du. Geroz eta denbora gehiago pasatzen du haiekin eta ouija batean ere hartuko du parte. Nabarituko ote dute Igorren taldekoek Danel ez dela haiek bezalakoa?
Hau guztia, gaur, 21:00etan ETB1en eta eitb.eus atarian. Eta ondoren, baita Goazen APPan eta EiTB Nahieran zerbitzuan ere.
