Goenkale
Hurrengo atalean...
Abelek Axun eta Sabinen baserria miatzea erabaki du, 'Goenkale'n
Erredakzioan
Ezusteko bat baino gehiago ere izango dira: Naroa eta Telmo itzuliko baitira Arraldera. Asteartean izango da ikusgai 22:30ean hasita.
Informazio gehiago (1)
Susmo txarrak eta ezustekoak izango dira nagusi asteartean "Goenkale" telesailean. Abel ziur dago Luis Arralden izan zela eta, haren arrastoen bila, Axun eta Sabinen baserria miatzea erabakiko du. Bestalde, Aliziak eta Nekanek ezustekoak izango dituzte, Telmo eta Naroa berriz ere Arraldera itzuliko baitira.
Abel ziur dago Luis, bere lagun mina eta Sabinen aita, Arraldera etorri zela eta zerbait gertatu zitzaiola. Aurrekoan, baserrian bazkaltzen izan zirenean, Luisek beretzako ekarri zuen makila aurkitu zuen. Eta Kandidoren aholkuei kasorik egin gabe, baserrira joango da Luisen arrastoen bila. Miatzen ari den bitartean, Sabinek harrapatu egingo du.
Bitartean, Arralde herrian sorpresa eta ezuste bat baino gehiago izango dira. Alde batetik, Telmo azalduko da Bogan, Aliziaren sentimenduak nahastuz. Bestetik, Naroa ere etorriko da Nekanerekin duen harremana argitzeko asmoz.
Said gazte turkiarrak ere sentimenduak nahiko nahastuta ditu. Eiderrekin oheratu da, baina Maddi maite du eta errudun sentitzen da.
Ibon, berriz, kirofanora eramango dute bizkarmuinean duen bala ateratzeko. Betirako elbarri gelditzeko arriskua dauka.
Azkenik, Mireiak Estherri dion gorrotoa gero eta handiagoa izango da. Bere alabaren heriotzaren errudun nagusitzat jotzen du eta ez dio barkatuko gertatutako guztia.
Gori gori dago giroa "Goenkale"n. Asteartean 22:30ean hasita eitb.com-en eta ETB-1en izango da ikusgai.
