Goenkale
'Goenkale'ren aurrerapena
Lortuko du Naiak Alainengandik ihes egitea? Gaur, 'Goenkale'n
N.G./A.I
Erredakzioa
Naia desagertu ostean, Ertzaintza haren bila hasiko da. Alainekin dago eta ihes egiten saiatuko da, baina lortuko al du? Ez galdu 'Goenkale'ren gaur gaueko atala!
Informazio gehiago (1)
Jessiren hilketari buruzko ikerketa argitzen doa 'Goenkale'n. Bien bitartean, Ertzaintza Naia bilatzen hasiko da, baina hau Alainen etxean egongo da. Alainek eskizofrenia daukala azalduko dio, eta udan berak eraso ziola jakingo du Naiak. Gainera, Alainek eskizofrenia krisi bat izango du, Naia bertan dela, eta, horretan, Alainek Jessirekin balego bezala hitz egingo du. Beldurtuta, Naiak ihes egin nahiko du, baina lortuko al du? Gainera, Ertzaintza haren bila arituko da, baina, aurkituko al dute?
Bestalde, Julianek enpresako isilpeko informazioa zergatik lapurtu zuen azalduko dio Estherri. Estherrek ez du Julianek informazio hori saltzerik nahi, kartzelara sartuko duten beldur. Julianek azalduko dionez, ezin izango du informazio hori saldu; izan ere, Estherrek berak galdu zuen lepokoaren barruan zeukan gordeta. Hala ere, informaziorik izan ez arren, Julianek salmentan aurrera jarraitzeko asmoa izango du.
Eroslearekin tratua sinatuko du, eta Dorothyk enpresarentzat lan egiten duela eta informazioa lortzean Ertzaintzari emango diola esango dio horrek.
Sabino triste agertuko da, amak ez duelako ezkontzara joan nahi. Sabino sufritzen ari dela ikustean, Garbiñek Asunekin hitz egingo du, ezkontzara joan dadin konbentzitzen saiatzeko.
Ez galdu 'Goenkale'ren gaur gaueko atala. Giroa pil-pilean dago! 'Goenkale' astelehen eta astearteetan dago ikusgai, 22:20tik aurrera, eitb.com-en eta ETB-1en.
