Goenkale
Aurrerapena
Luis berak hil zuela argituko den beldur izango da Asun, 'Goenkale'n
Erredakzioa
Kandidok Luisen heriotza ikertuko du, eta berak hil zuela jakingo den beldur izango da Asun. Ez galdu 'Goenkale'ren hurrengo atala, datorren astelehenean, ETB-1en.
Asun eta Abel Luisen hilketaren kasua argituko den beldur izango dira 'Goenkale'-n. Bera babesteko hil zuela Asunek Luis azalduko dio Sabinok Kandidori. Hala ere, Kandidok ezingo du ulertu zergatik ez ziren Ertzaintzarenera joan.
Inesen haurra berea dela jakin ondoren, Germanek azalpen bat emateko eskatuko dio horri. Euren arteko harremanaren porrotaren errua elkarri botako diote, eta oraindik ere maiteminduta dagoela esango dio Inesek Germani.
Aimar etxera itzuliko da, baina bere amarekin hitzik egin gabe jarraituko du, ez baitio traizionatu izana barkatuko. Lupe, berriz, biekin adiskidetuko da.
Nelson Estherrekin oheratzen dela jakingo du Leok, eta Nelsonekin eztabaida handia izango du. Gainera, Kubara itzultzea erabaki duela esango dio Itxasori.
Ibon eragindako kalteaz konturatu eta Manexekin adiskidetuko da. Itxasorekin elkarrizketa bat izango du, eta bien arteko harremanaren gainean hartu duen erabakiaren berri emango dio.
Ez galdu 'Goenkale'ren gaurko atala, 22:20tik aurrera, eitb.com-en eta ETB-1en.
