Goenkale
Hurrengo atalean...
'Goenkale': Dorothyren kontrako plana hedabideetara helduko da
Erredakzioa
Dorothyk Amerikako enpresa garrantzitsu bateko sekretupeko informazioa lapurtu duela hedabideetan argitaratzea lortuko dute mirandatarrek.
Julianek eta Mireiak Dorothyren kontrako plana martxan jarriko dute 'Goenkale'n: Dorothyk Amerikako enpresa garrantzitsu bateko sekretupeko informazioa lapurtu duela argitaratuko dute hedabideetan. Mireiak Dorothy etxetik botako du eta honek mendeku hartuko duela esango du.
Gertatutakoa gertatu eta gero, Saidek eta Maddik elkarri beste aukera bat ematea eta harremanetan jarraitzea erabakiko dute.
Garbiñerentzat gauzak hobetzen joango dira. Izan ere, Sabinorekin ezkonduko da eta, gainera, Aimarrekin duen harremana guztiz konponduta dagoela ikusiko du.
Itxasok Gorka musukatuko du, Ibon ahaztu ez duen arren. Ibon pozik egongo da berriro Kevin Arralden ikusita, baina ez du Itxasorekin gertatu denaz hitzik egin nahiko.
Arma operazioak aurrera egingo du, eta Ertzaintzak desegitea lortuko du, baina Batisek ihes egingo du. Batisek, gainera, Ertzaintzarekin gertatutakoaren berri emango dio Jagobari, eta honek German pistolaz mehatxatuko du.
Ez galdu 'Goenkale'ren datorren asteleheneko atala, 22:20tik aurrera, eitb.com-en eta ETB-1en.
