Goenkale
Gaur, 'Goenkale'n
Paskalek ezusteko aurkikuntza egingo du Amaliaren gauzen artean
EiTB
Joelleren aholkuak jarraituz, Paskal amaren gelara hurbildu eta utzitako gauzak behatzen hasiko da. Bestetik, Taniak, Jagoba amona bizirik ikusi zuen azken pertsona dela jakingo du.
Informazio gehiago (1)
Herri osoa hunkituta dago 'Goenkale'n, Etxegaraitarren lorategian aurkitutako gorpua dela eta. Ertzaintzaren ikerketak gorpua Etxegaraitarrak etxe horretara joan baino arinagotik zegoela argitu duen arren, familia ez dago lasai. Tania, bereziki urduri dago eta etxe horretan sentitzen zituen bibrazio txarren zergatia aurkitu duela uste du.
Beste alde batetik, Paskal, Joelleren aholkuei jarraituz, amak utzitako objektuetara hurbilduko da eta ezusteko aurkikuntza egingo du.
Arantza kanpoan dagoela, Jagoba eta Izaskunen arteko jolasak aurrera egiten du eta botikako guardia bat zita erromantikoa bilakatzen da. Baina, bikotea unerik gozoenean dagoenean, Igor agertuko da, emaztearen maitasuna berreskuratzeko asmoz. Bestetik, Tania Jagobaren sekretu azaleratzen hasiko da, Amalia bizirik ikusi zuen azken pertsona dela jakinez.
Erratuta hartutako poltsa batek, Fatima eta Alazneren topaketa ekarriko du. Guztiz ezberdinak diren bi pertsona hauek, ezagutu eta elkarren osagarri direla konturatuko dira.
Hori guztia, 'Goenkale' telesaileko gaurko atalean, 22:15etik aurrera, ETB1 eta eitb.eus-en.
