Historiako klase dibertigarria, famatuen eskutik | Itxi Liburuak EITB

Itxi Liburuak

16:41

Itxi Liburuak

22:00etan

Garbiñe Biurrun eta Elkanoren mundu bira, osteguneko "Itxi liburuak" saioan

EiTB

Gaizka Arangurenek aurkeztutako saioan, Elkanorekin harremana duten toki eta lagunak ezagutuz joango da Garbiñe Biurrun.

0:30
  • Whatsapp
  • Whatsapp
  • telegram
  • Bidali

Osteguneko "Itxi Liburuak" saioan, Garbiñe Biurrun magistratua irakasle lanetan ikusiko dugu, Juan Sebastian Elkanoren historia modu original batean kontatzeko erronkari aurre eginez. Getariarra munduari bira eman zion lehen espedizioaren protagonista izatera nola iritsi zen deskubrituko dute bai ikasleek, baita ikus-entzuleek ere.

Gaizka Aranguren historia dibulgatzaileak lagunduta, Elkanorekin harremana duten toki eta lagunak ezagutuko ditu Garbiñe Biurrunek. Nola ez, Elkanoren jaioterria, Getaria, bisitatuko dute, baita Donostiako Euskal Itsas Museoa eta Pasaiako Albaola Itsas Kultur Faktoria ere.

Arangurenek ez ezik, beste hainbat adituk ere lagunduko diote Biurruni; tartean, Xabier Alberdi, Virginia Garcia eta Xabier Agote. Bestalde, testigantza pertsonalak ere izango ditugu, Aitor Arregi Elkano jatetxeko sukaldariarena eta Hondarribiko Urko eta Zigor Gonzalez anaiena, besteak beste.

Bidean ikasitako guztia unibertsitateko ikasleei azaldu beharko die gero. Baina ez da nahikoa izango ikasitakoa hitzez hitz errepikatzea. Bere bizipenetatik abiatu eta modu original batean azaldu beharko du dena, ikasleen arreta bereganatu nahi badu.

"Itxi Liburuak" ostegun honetan izango da ikusgai, 22:00etan, ETB1en eta eitb.eus-en.

Iruzkinak

  • Publizitatea
    logo eitb nahieran
    Publizitatea
    Floorren arauak Ezarrita dagoenaren aurkako arauak ezartzen Floorren arauak
    Prentsa Aretoa Prentsa oharrak, deialdiak, agenda, fototeka,… Prentsa Aretoa
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena