Bigarrenak
Bigarrenak
Txerri hanka beteak
Osagaiak
- (4 pertsonarentzat)
- Txerri hankak egosteko:
- - 6 txerri hanka
- - Tipula bat
- - Baratxuri buru bat
- - 2 azenario
- - Porru bat
- - 2 tomate
- - Perrexil adar batzuk
- - Ura
- - Gatza, piperbeltza
- - Piper bat
- - Ardo zuria, edalontzi bat
- Barrukoa:
- - Perretxikoak
- - Oliba olioa
- - Gatza
- - Piperbeltza
- Saltsa egiteko:
- - 2 tipula
- - Txerri-hankak egosteko erabilitako barazkiak
- - Hankak egositako salda, litro bat
- - 4 piper txorizeroren mamia
- - Olioa
- - Gatza
- Hankak frijitzeko:
- - Txerri-hankak beteak
- - 2 arrautza
- - Irina
- - Olioa
Prestaketa
Txerri hankak egosteko
Garbitu hankak kontu handiz, eta jarri sutan ur hotzez estalita, irakiten hasi arte; atera, eta ur hotzetan sartu. Jarri berriro sutan,zatitutako barazkiekin batera, eta estali pixka bat ur gazituz. Egosi su motelean 3 orduz, bigundu arte. Saldatatik atera, epeltzen utzi, hezurrak kendu, eta plastikozko paperean jarri eta barrukoa sartu; beste hanka egosia jarri, eta zilindroak egin; hotzean gorde gogortu arte.
Barrukoa
Perretxikoak garbitu, eta zati ertainetan moztu; zartagin batean salteatu, oliba olio berotan; geroko gorde.
Saltsa egiteko
Zatitu tipula zati ertainetan, eta jarri olioarekin egiten, bigundu arte. Gehitu txerri-hankekin egositako barazkiak, 4 piper txorizeroren mamia eta txerri-hankak egositako salda; utzi 20 minutuz egosten, txikitu, iragazi eta zuzendu gatz-puntua.
Hankak frijitzeko
Hankak zentimetro ta erdiko lodieran moztu, irin eta arrautzetan pasatu, eta oliotan frijitu; paperean xukatu, saltsan sartu, eta irakin bat eman.
Bukaera
Plater lau batean txerri-hanken 3 zati jarri, eta bota saltsa gainetik; ondoan barazki bolak jarri.
© EITB - 2026 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
