Prestaketa

Piper berdeak eta tipulak juliana erara moztuko ditugu eta baratxuri aleak ere xafla finetan moztu. Lapiko zabal bat sutan jarriko dugu oliba olio txorrotada on batekin, eta bertara botako ditugu moztutako piper, tipula eta baratxuriak. Gatz pittin bat bota eta su motelean eduki 30 bat minutuz nohiz behinka mugituz.

Bitartean antxoak garbituko ditugu, tripa eta burua kenduaz.

Sukaldeko paperaz lagunduz ondo lehortu eta gatza botako diegu. Irina plater batean jarri eta antxoak bertatik banan bana pasatuko ditugu. Irinetatik pasa ahala, antxoak suabe astinduko ditugu irin soberakina kentzeko.

Zartagin bat oliba olio txorrotada batekin sutan berotzen jarriko dugu. Ondo beroa dagoenean antxoak gutxinaka bertan frijituko ditugu.

Frijitu ostean piperrak prestatuta dauzkagun lapikoan sartuko ditugu. Bukatzeko perrexila moztu eta lapikora bota. Prest daukagu mahaira ateratzeko.