Prestaketa

Gonbidatua: Aitzol Atutxa Euskadiko aizkora txapelketaren garailea.

NOLA EGIN?

Tximitxurria egiteko:

- Piper beltz-beltza, piper beltz berdea eta berakatz atal pare bat birrindu eta ondoren gatza gehitu.

- Behin ongi birrinduta dagoela, ezti koilarakada bat eta oliba-olioa erantsi.

Patatatxo eta tipulatx hornigaira egiteko:

- Gurina zartaginean desegin eta tximitxurri saltsa gehitu.

- Patata osoak bertan frijitu, eta baita, berakatz osoak ere.

- Ezkaia eta erromeroa erantsi.

Txakolin saltsa egiteko:

- Tipulatxa txikitu eta sueztitzen jarri. Txakolin edalontzi bat gehitu eta murrizten utzi.

- Irina edo gurinarekin salda loditu.

Untxi izterrak egiteko:

- Tipulina zatitu eta berakatz atal pare batekin batera erregosten jarri.

- Onddoak zatitu eta tipulina eta berakatzarekin batera sueztitzen jarri.

- Onddoak prest daudenean, zartaginetik atera eta ogi birrindu koilarakada bat gehitu. Piper beltza erantsi eta zuringo arrautza bat ere bai. Dena ongi nahastu.

- Untxi izterrak, onddoekin egindako nahasketarekin bete eta ongi bildu soka batez baliatuz.

- Ondoren, labean sartu 200 graduetan 12 minutuz.

Behin zati guztiak prest ditugula, platerera atera eta apaindu.