Etxaleku-Ostatuko Maritxu Erbiti, aste honetako 'Txoriene'n

"Txoriene" saioko aste honetako gonbidatua Etxaleku jatetxea izango da. Maritxu Erbiti sukaldaria izango da Pili Manterolaren ondoan, eta bertan eskaintzen diren hainbat plater prestatuko ditu.

Maritxu Erbiti Etxaleku-Ostatuko arduraduna da, eta sukaldean lanean aritzen da. Etxeko sukaldaritza da bertako berezitasuna, baita bere osaba bikiek hazitako antxumeak ere.

Imozko bailaran kokatutako jatetxean bertako baratzeko barazkiak prestatzen ditu Maritxuk, eta, gainera, bertako abereak ikusteko aukera ere eskaintzen du Etxalekuk.

Maritxu Erbitik errezeta hauek prestatuko ditu aste honetan: antxume errea bere zukuan entsalada berdearkin, "bizkoflana" mami izozkiarekin, txipiroiak eguzki-lore erara, urdaiazpiko iberikoz betetako barrengorriak, behi txuletoia plantxan egindako pikilloekin, kuiatxozko san jakoboa, usakumeak saltsan bonba arrozarekin, natillaz eta txokolatez bustitako gaileten tarta, porru entsalada patata eta azenarioekin, eta txuri-beltzak.

Horiek, beraz, "Txoriene" ETB1eko sukaldaritza saioan aste honetan, astelehenetik ostiralera, 15:15etik aurrera, ikusiko ditugun errezetetako batzuk.