Zuek hor
15:45ean, ETB1en
Hesian taldeko Zuriñe Hidalgo eta Fran Urias 'Zuek Hor eta Gu Hemen'en
A.E.
EiTB
Gaurko saioan, Maitena Salinasek, Manu Maritxalarrek eta Nagore Osorok hartuko dute parte Agurne Anasagastik gidatzen duen tertulian. 15:45ean hasiko da, eta ETB1en eta eitb.eus-en ikusi ahalko da.
-
Zuriñe ta Fran
Gaur arratsaldean, Anjel Alkainek eta Iker Galartzak aurkezten duten 'Zuek Hor eta Gu Hemen' zuzeneko saioak, besteak beste, Maria Amolategiren musika tartea ekarriko digu, eta bertan Hesian musika taldeko Zuriñe Hidalgo eta Fran Urias elkarrizketatuko dituzte. Hesianek laster kaleratuko duen diskoaren berri emango dute.
Aurretik, ordea, Nuntzeberry atalarekin hasiko da saioa. 'Gaur Egun' albistegiak baztertu dituen albisteak erakutsiko dizkigute Anjel Alkainek eta Iker Galartzak. Eguneko albisteez gain, albiste bitxiak ere izango dira, eta dei bereziren bat ere jasoko dute.
Agurne Anasagastik gidatuko du tertulia garaia, eta dagoeneko ezagunak ditugun hiru tertuliakide izango ditugu mahaiaren inguruan: Maitena Salinas, Nagore Osoro eta Manu Maritxalar. Aktualitateko gaiez gain, munduko dantza ezberdinez arituko dira solasean.
Jon Urbieta ere platoan izango dugu ikusentzuleekin harremanetan, zuzen-zuzenean! Tertuliako eta Maria Amolategiren gaiari lotuta, zein abesti duzue zuek gustukoen? Zein da gehien abestu eta dantzatzen duzuen abestia? Zein da behin eta berriz entzuten duzuen abestia? Bidali zuen erantzunak #zuekhor erabilita edota gure WhatsAppera (605779540).
Hori guztia eta askoz gehiago, 15:45etik aurrera, ETB1en!
