8 atxilotu Otxandion, 1.500 metro kable lapurtzea egotzita

Ertzaintzak zortzi gazte atxilotu zituen atzo Otxandion, enpresa batetik 1.500 metro kable lapurtzea egotzita, Eusko Jaurlaritzako Segurtasun Sailak jakinarazi duenez.

Lapurreta atzo 14:30ak aldera gertatu zen. Antza denez, enpresako kide batek eman zion abisua Ertzaintzari eta ustezko lapurrek erabilitako ibilgailuari buruzko informazioa eman zien ertzainei.

Ertzainek BI-632 errepidean, Durango parean, aurkitu zuten ibilgailua. Hasiera batean ihes egiten saiatu baziren ere, atxilotu egin zituzten ustezko lapurrak.